ޕީ.އެސް.ޖީގެ ފުޓްބޯޅަ ތަރި ޖޭޖޭ އޮކޯޗާ ލާމަށް އައިސްފި
ޕީ.އެސް.ޖީގެ ފުޓްބޯޅަ ތަރި ޖޭޖޭ އޮކޯޗާ ލާމަށް އައިސްފިއެވެ.
ޖޭޖޭ އޮކޯޗާ ލާމަށް އައީ މިއަދު މެންދުރުގެ ވަގުތެއްގައެވެ.
ޘަޤާފީ ޙަރަކާތްތަކާއެކު އޮކޯޗާއަށް ވަނީ ލ.ކައްދޫން ވަރަށް ހޫނު މަރުޙަބާއެއް ކިޔާފައެވެ.
އޮކޯޗާ ލާމަށް އައީ މާދަމާ ބޭއްވުމަށް ހަމަޖެހިފައިވާ އުރީދޫ ”ފަން ރަން“ގެ ޚާއްޞަ މެހުމާނެއްގެ ގޮތުގައި އެ ޙަރަކާތުގައި ބައިވެރިވުމަށެވެ.
އޮކޯޗާ ހުންނަ ގޮތަށް ހަމަޖެހިފައި ވަނީ ސިކްސް ސެންސަސް ލާމު ރިޒޯޓުގައެވެ.
މަޢުލޫމާތު ލިބޭގޮތުގައި މާދަމާ ހެނދުނުގެ ވަގުތެއްގައި އޮކޯޗާ ގަމަށް ޒިޔާރަތްކޮށް، ގަމުގެ މުހިއްމު ތަންތަނަށް ޒިޔާރަތް ކުރާނެއެވެ.
އޮކޯޗާ ރާއްޖެ އައީ ރޭގެ ވަގުތެއްގައެވެ.
