ލ. ގަމު އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަން ފެބުރުވަރީ 8 ގައި

ލ. ގަމު އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަން  މި އަހަރުގެ ފެބުރުވަރީ 8 ވާ ހޮނިހިރު ދުވަހު ބޭއްވުމަށް ނިންމައި، ކެންޑިޑޭޓުންގެ ނަންބަރު ތަރުތީބުކޮށްފިއެވެ.

މި އިންތިޚާބު ބާއްވަން ޖެހުނީ ކޮމިޓީގެ ކުރީގެ ރައީސާ ފާތިމަތު އަލީ އިސްތިއުފާ ދެއްވުމާ ގުޅިގެންނެވެ. މިހާރު ފާތިމަތު އަލީ އަކީ ހައްދުންމަތީ ގަމު ކައުންސިލުގެ ކައުންސިލް މެންބަރެކެވެ.

އިލެކްޝަންސް ކޮމިޝަނުން ބުރާސްފަތި ދުވަހު ނެރުނު އިޢުލާނުގައި ބުނެފައިވާ ގޮތުގައި، މި އިންތިޚާބުގައި ވާދަކުރާ ކެންޑިޑޭޓުންގެ ނަންތައް ވަނީ ތަރުތީބު ކުރެވިފައެވެ. މިގޮތުން، ޤާނޫނު ނަންބަރު: 2008/11 (އިންތިޚާބުތަކާބެހޭ ޢާންމު ޤާނޫނު) ގެ 14 ވަނަ މާއްދާ އާއި ގަވާއިދު ނަންބަރު: 2020/R-7 (އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބުގެ ގަވާއިދު) ގެ 13 ވަނަ މާއްދާގައިވާ ގޮތުގެ މަތިން ކެންޑިޑޭޓުންގެ ނަންތައް ވަނީ ޢާންމުކޮށް އިޢުލާން ކުރެވިފައެވެ.

މި އިންތިޚާބުގައި ވާދަކުރާ ދެ ކެންޑިޑޭޓުންނަކީ:
ކެންޑިޑޭޓު ނަންބަރު 1 – ޢާއިޝަތު ޢަލީ، ތުނޑި. ސަންރޭ / ލ. ގަން، ދިވެހިރައްޔިތުންގެ ޑިމޮކްރެޓިކް ޕާޓީ
ކެންޑިޑޭޓު ނަންބަރު 2 – އާމިނަތު އަފްރާޙް، ތުނޑި. ހުދުފަސް / ލ. ގަން، ޕީޕަލްސް ނޭޝަނަލް ކޮންގްރެސް

މި އިންތިޚާބުގެ ނަތީޖާއިން ލ. ގަމު އަންހެނުންގެ ތަރައްޤީއަށް މަސައްކަތްކުރާ ކޮމިޓީއަށް އައު މެންބަރަކު ހޮވިގެންދާނެއެވެ. މި އިންތިޚާބާ ގުޅޭ އިތުރު މަޢުލޫމާތު އިލެކްޝަންސް ކޮމިޝަނުން އާންމުކުރަމުން ގެންދާނެއެވެ.