ލ.އަތޮޅުގެ އާބާދީ އަކީ 19468، ގިނައީ ފިރިހެނުން

ލ.އަތޮޅުގެ އާބާދީއަކީ 19468 ކަމަށާއި، ގިނައީ ފިރިހެނުން ކަމަށް ހައްދުންމަތީ އަތޮޅު ކައުންސިލްގެ އިދާރާއިން އެންމެ ފަހުން ނެރުނު ތަފާސްހިސާބުތަކުން ދައްކައިފިއެވެ.

އަތޮޅު ކައުންސިލުން ވަނީ 2024 ވަނަ އަހަރުގެ ނިޔަލަށް އަތޮޅުގެ އާބާދީ އާއްމުކޮށްފައެވެ. އެގޮތުން، މުޅި އަތޮޅަށް ބަލާއިރު ފިރިހެނުންގެ ޖުމްލަ އަދަދަކީ 9951 އެވެ. އެއީ އަތޮޅުގެ އާބާދީގެ 51.1 އިންސައްތައެވެ. އަދި އަންހެނުންގެ ޖުމްލަ އަދަދަކީ 9517 އެވެ.

ލ.އަތޮޅުގައި މީހުން ދިރިއުޅޭ 11 ރަށުގެ ތެރެއިން އެންމެ ގިނަ މީހުން ދިރިއުޅެނީ ގަމުގައެވެ. އެއީ ޖުމްލަ 5491 އެވެ. އަދި އެންމެ މީހުން މަދު ރަށަކީ މުންޑޫ އެވެ. އަތޮޅު ކައުންސިލްގެ ތަފާސްހިސާބުތަކުން ދައްކާގޮތުން އެ ރަށުގެ އާބާދީ އަކީ 317 މީހުނެވެ.

ލ.އަތޮޅުގެ ރަށްރަށުގެ އާބާދީ:

އިސްދޫ – 1487

ކަލައިދޫ – 1063

ދަނބިދޫ – 1078

މާބައިދޫ – 1127

މުންޑޫ – 317

ގަން – 5491

މާވަށް – 2152

ފޮނަދޫ – 3103

މާމެންދޫ – 1367

ހިތަދޫ – 1330

ކުނަހަންދޫ – 953

ލ.އަތޮޅަކީ މިވަގުތު ރާއްޖޭގެ އެކި ސަރަހައްދުތަކުން ގިނަ އަދަދެއްގެ މީހުން ދިރިއުޅޭ އަތޮޅެކެވެ. އަދި އެ އަތޮޅުގެ ގިނަ ބަޔަކު ވަނީ މާލެ ނުވަތަ އެހެން ސަރަހައްދުތަކަށްވެސް ދިރިއުޅުން ބަދަލުކޮށްފައެވެ.