ލ. އަތޮޅުގެ ތިން ފަޅު ރަށެއް ކުއްޔަށް ދޫކުރުމަށް ހުޅުވާލައިފި

ހައްދުންމަތީ އަތޮޅު ކައުންސިލުން މިދިޔަ ބުރާސްފަތި ދުވަހު ކުރި އިޢުލާނެއްގައި، އެ އަތޮޅުގެ ތިން ފަޅު ރަށެއް ކުއްޔަށް ދޫކުރުމަށް ހަމަޖެހިފައިވާ ކަމަށް ބަޔާންކޮށްފިއެވެ.

ކުއްޔަށް ދޫކުރުމަށް ހަމަޖެހިފައިވާ ތިން ރަށަކީ ލ. ބިލެތްތޭރަހާ (ދަނބިދޫ ފަޅުތެރެ)، ލ. މާކަޅުވެލި (ކުނަހަންދޫ ފަޅުތެރެ) އަދި ލ. ފެންބޯހުރާ (އިސްދޫ ފަޅުތެރެ) އެވެ.

އިޢުލާނުގައިވާ ގޮތުން، މި ރަށްތައް ކުއްޔަށް ދޫކުރެވޭނީ ފަސް އަހަރު ދުވަހުގެ މުއްދަތަށެވެ. އަދި ބިޑް ހުށަހަޅާ ފަރާތްތަކަށް ހުށަހެޅޭނީ އެންމެ ރަށަކަށެވެ. ރަށުގައި އެއްވެސް މަސައްކަތެއް ހިންގާނަމަ، ބިޑް ހުށަހަޅާއިރު އެކަން ބަޔާންކުރަންޖެހޭނެ ކަމަށްވެސް އިޢުލާނުގައި ފާހަގަކޮށްފައިވެއެވެ. ބިޑް ކެނޑުމަށް ހަމަޖެހިފައިވަނީ މި މަހުގެ 27 ވަނަ ދުވަހުއެވެ.

ރަށް ހަވާލުކުރެވޭ ފަރާތުން ކުރަންޖެހޭ މަސައްކަތްތަކުގެ ތެރޭގައި، ވަކި އަދަދަކަށް ރުއް އަދި މިދިލިގަސް އިންދުމާއި، އަހަރަކު އެއްފަހަރު ރިޕޯޓެއް ފޮނުވުން ހިމެނެއެވެ. މީގެ އިތުރުން، ރަށް ވަށައިގެންވާ ސަރަހައްދުގެ ފޮޓޯ ނަގައި އަހަރަކު އެއްފަހަރު ފޮނުވުމާއި، ރަށުގެ ސަރަހައްދު ސާފުކޮށް ބެލެހެއްޓުން ހިމެނެއެވެ. އަދި އަތޮޅު ކައުންސިލުން ތައްޔާރުކޮށްފައިވާ އޮންލައިން ފޯމެއް ހަ މަހުން އެއްފަހަރު ފުރަންޖެހޭނެއެވެ.

އިޢުލާނުގައި ބަޔާންކޮށްފައިވާ ގޮތުން، ރަށް ހަވާލުކުރެވޭ ފަރާތުން ކުރުން މަނާ ކަންތައްތަކުގެ ތެރޭގައި ރުއްގަސް ކެނޑުމާއި ވިއްކުން، އަދި ރަށުގެ ގޮނޑުދޮށުން ދޮންވެލި އަދި ރަށުތެރެއިން ކަޅުވެލި ނެގުން ހިމެނެއެވެ.

މި އިޢުލާނާ ގުޅިގެން، ލ. އަތޮޅުގެ ތިން ފަޅު ރަށް ކުއްޔަށް ދޫކުރުމުގެ މަސައްކަތް ކުރިއަށްދާއިރު، ރަށްތަކުގެ ތިމާވެށި ރައްކާތެރިކޮށް، ދެމެހެއްޓެނިވި ގޮތެއްގައި ބޭނުންކުރުމަށް އިސްކަންދޭކަން ފާހަގަކުރެވެއެވެ.