ހޮރައިޒަން ފިޝަރީސްގެ ދިވެހި ރަހަމީރު ޓޫނާ ޕާސްތާ ސޯސް
ރާއްޖޭގެ މަޝްހޫރު މަސް ޕްރޮސެސިންގ ކުންފުނި، ހޮރައިޒަން ފިޝަރީސްއިން އުފެއްދުމެއް ކަމުގައިވާ ޓޫނާ ޕާސްތާ ސޯސް އަކީ ދިވެހިން އެންމެ ލޯބިވާ ކާނާއެއް ކަމުގައިވާ ކަނޑުމަހާއި ޕާސްތާ އެއްކޮށްލައިގެން ތައްޔާރުކޮށްފައިވާ ރަހަގަދަ އަދި އެހާމެ މީރު ސޯސްއެކެވެ.
މި އުފެއްދުމަކީ ރާއްޖެއާއި ރާއްޖެއިން ބޭރުގެ ކަސްޓަމަރުންގެ މެދުގައި މަޤްބޫލު އުފެއްދުމެކެވެ. އަދި މިއީ ރެޑީ މޭޑް އުފެއްދުމަކަށް ވުމުގެ ސަބަބުން ކާބޯތަކެތި ތައްޔާރުކުރުމަށް ހޭދަވާ ވަގުތު ސަލާމަތްވެ، އިސްރާފު މަދުވާނެއެވެ. މި ޕްރޮޑަކްޓަކީ އަގުހެޔޮ އުފެއްދުމަކަށް ވާއިރު، މިއީ ބިޒީކޮށް އުޅެމުންވެސް ފަސޭހައިން ތައްޔާރުކޮށްލެވޭނެއެވެ. ކަނޑުމަހަކީ ދިވެހިން ލޯބިކުރާ ކެއުމަކަށްވާއިރު، ޕާސްތާއާއެކު ތައްޔާރުކޮށްފިނަމަ މިއީ ރަހަތަކަށް ލިބޭ ފުރިހަމަ ކަމަކަށް ވާނެއެވެ.
މި އުފެއްދުން ބާޒާރަށް ނެރުމުގެ ކުރިން އެއް އަހަރުގެ މުއްދަތަށް ދިގު ދިރާސާތަކެއް ކުރެވުނު ކަމަށް ހޮރައިޒަންއިން ހާމަކުރިއެވެ. މި މުއްދަތުގައި ސޯސްގެ އެކި ތަހުލީލުތައް ކޮށް، ރަހަ ނުގެއްލޭހެން ފްރެޝްކޮށް، ޝެލްފް ލައިފް ދިގު މުއްދަތަކަށް ބެހެއްޓޭނެ ގޮތްތައް ހޯދާފައިވާ ކަމަށް އެ ކުންފުނިން ބުންޏެވެ.
މި ސޯސް ތައްޔާރުކޮށްފައިވަނީ ތާޒާ ކަނޑުމަހާއި ޓޮމާޓޯ ސޯސް ބޭނުންކޮށްގެންނެވެ. އަދި އެއްވެސް ޕްރިޒަވެޓިވްއެއް ނާޅާ ކަމަށާއި، ދަޅުގައި ސޯސް ނުބައިނުވެ ހަމަ އެއް ކޮލިޓީއެއްގައި ދެ އަހަރު ދުވަހުގެ މުއްދަތަށް ބެހެއްޓޭނެ ކަމަށްވެސް އެ ކުންފުނިން ބުނެފައިވެއެވެ.
މި އުފެއްދުމަކީ ރާއްޖޭގެ ކާބޯތަކެތީގެ ވިޔަފާރިއަށް އިތުރު ކުރިއެރުމެއް ލިބި، ޚާއްޞަކޮށް މަސްވެރިކަމުގެ ދާއިރާއަށް އިތުރު ފައިދާތަކެއް ކުރާނެ އުފެއްދުމެކެވެ.
