2022 ވޯލްޑްކަޕް މިވީ މުސްލިމުންނަށް ލިބުނު ނަސްރަކަށް

މީގެކުރިން މުޅިދުނިޔެ ޤަބޫލުކުރަމުންއައީ ފުޓްބޯޅައަކީ ޔޫރަޕާ އެމެރިކާ ބައްރުގެ ޤައުމުތަކުގެ ކުޅިވަރެއްގެ ގޮތުގައެވެ. އެހެންނަމަވެސް މިއަދު ފެނިގެންމިދަނީ ވޯލްޑްކަޕްގެ ސެމީފައިނަލްގަ ފުރަތަމަފަހަރަށް އަރަބި އެފްރިކާގެ ޤައުމެއް ކުޅޭތަނެވެ. މޮރޮކޯވެސް އެހިސާބަށްއައީ މުަޅި އިސްލާމީ އުންމަތް އެމީހުނަށްޓަކާ ފަހުރުވެރި ކުރުވާފަ އެފްރިކާއާ މުސްލިމުންގެ ހިއްތަށް ފަތަހަ ކުރަމުންނެވެ. ދުނިޔޭގެ ފުޓުބޯޅައިގެ ގަދަބާރުތަށް ބިމާހަމަކޮށް އެމީހުން ހެއްދެވި ފަރާތަށް ކުރިދުޢާއާ ޝުކުރުގެ ސަޖިދަ މުޅި މުސްލިމް އުނަމަތް އުފަލުން ރޮށްވާލާފައެވެ. މުސްލިމުންގެ ރަމްޒެއްގެ ގޮތުގަވާ ފަލަސްތީނު ދިދަ ޖައްވުގަ ވިހުރުވަމުން މުސްލިމުންގެ ތެރޭން އެންމެ ނިކަމެތި ހާލުގަ އުޅެމުންއަންނަ މީހުންގެމަތިން ހަނދާން ނުނެތޭކަން އެމީހުންނާ އެކުގަ ތިބިކަން މޮރޮކޯ ދިދަޔާ އެއްވަރަށް ފަލަސްދީނުގެ ދިދަވެސް މިނިވަންކަމާއެކު ވިހުރެން ބޭނުންވާކަން ދުނިޔެއަށް ދައްކަމުންނެވެ. މައިވަންތަކަމުގެ ލޯތަބާ އާއިލީ ގުޅުމާ ތިމާގެކަމާ އަހުވަންތަކަމުގެ ރީތި މިސާލުތަކެއް ދައްކަމުންނެވެ. އިހުތިރާމްކުރުމާ އިހްތިރާމް ހޯދުމަކީ ކޮބައިކަން މުޅި ދުނިޔެއަށް ދައްކުވައިދެމުންނެވެ. މީގެކުރިން ވޯލްޑްކަޕް ވާހަކަ ބަޔަކު ދައްކާލާއިރަށް އަންނަނީ ބްރެޒިލް، އާޖެންޓީނާ ، އިންގްލެންޑް ، ފްރާންސް ކަހަލަ ޤައުމުތަކުގެ ވާހަކައެވެ. ތައްޓާހިސާބަށް ދެވޭނެ ކަމުގެ އުންމީދު އެންމެންވެސް ކުރާމީހުންނަކީ މިއީއެވެ. އެހެންނަމަވެސް މިއަދު މިއިވެނީ މުޅިން ތަފާތު އަޑުތަކެކެވެ. ބްރެޒިލް އަށް ސަޕޯޓުކުރި ގިނަ ދިވެހިންވެސް މިއަދު އަހާލާއިރަށް ބުނަމުންދެއެވެ. ބްރެޒިލް ކެޓިއަސް އޯކޭއެވެ. މޮރޮކޯ ތަށި ނަގައިފިއްޔާ ނިމުނީއެވެ. އާޖެންޓީނާއަށް ސަޕޯޓުކުރި ގިނަ މީހުންގެވެސް މިއަދުގެ އުންމީދަކީ މިއީއެވެ. މޮރޮކޯ ކޯޗު އިންޓަވިއުއެއްގަ ބުނެފަވާ ގޮތަށް އެ ޤައުމު އެއްބައި ކުރުވައިފިއެވެ. އެކަމު ހަޤީގަތުގަ ޤައުމު އެކަންޔެއް ނޫނެވެ. މުޅި މުސްލިމް އުންމަތް އެއަބައިވަންތަކުރުވާ މުސްލިމުންނަކީ އެއްބައެއްކަން އިހުސާސް ކުރުވައިފިއެވެ. މި ވޯލްޑްކަޕް ވެގެންމިދިޔައީ ހުރިހާގޮތަކުން މުސްލިމުންނަށް ލިބުނު ނަސްރަކަށެވެ. ހުޅަނގުގެ ޤައުމުތައް ހަމަބިމަށް ތިރި ކުރުަމަށްފަހުއެވެ. އަޅުގަނޑުގެ ދުޢާއަކީ ވޯލްޑްކަޕް ތަށި މިފަހަރު މޮރޮކޯކާމިޔާބުކޮށް މުސްލިމުންގެ ހިއްތަށް އުފަލުން ރޮށްވާލުމެވެ.