ގަމުގައި ހިނގި ނުރައްކާތެރި އެކްސިޑެއްޓެއްގައި މީހަކު ނިޔާވެއްޖެ

ހައްދުންމަތީ ގަމުގައި ރޭ ދަންވަރު ހިނގި ނުރައްކާތެރި އެކްސިޑެއްޓެއްގައި މީހަކު ނިޔާވެއްޖެއެވެ.

ރޭ ދަންވަރު މި އެކްސިޑެންޓް ހިނގާފައިވަނީ ސައިކަލް ކޮންޓްރޯލް ނުވެ، މާންދޫ ބެންޑުގެ ބެޑު ފާރުގައި ޖެހުމުގެ ސަބަބުންނެވެ. މި އެކްސިޑެންޓުގައި ނިޔާވެފައިވަނީ ލ.މާބައިދޫ، އިބްރާހިމް ނައުޒަމް އެވެ.

މިއަދު ހެނދުނުގެ ވަގުތެއްގައި ނައުޒަމް ނިޔާވެފައިވަނީ ގަމު ރީޖަނަލް ހޮސްޕިޓަލުގައި ފަރުވާ ދެމުން ދަނިކޮށެވެ. މައުލޫމާތު ލިބިފައިވާ ގޮތުގައި ނައުޒަމްގެ ބޮލަށް ވަނީ ސީރިއަސް އަނިޔާތަކެއް ލިބިފައެވެ.

މާންދޫ ބެންޑް ސަރަހައްދަކީ މީގެކުރިންވެސް ގިނަ އެކްސިޑެންޓުތަކެއް ހިނގައި، ހިތާމަވެރި ހާދިސާތަކެއް ހިނގާފައިވާ ސަރަހައްދެކެވެ.