ފޮނަދޫގައި އަޅާ ޔުނިވަރސިޓީ ކެމްޕަސް ތަރައްގީކުރުމަށް ބިން ކަނޑައެޅުމާއި ގުޅޭގޮތުން ރައްޔިތުންގެ ޚިޔާލު ހޯދަނީ

ލ. ފޮނަދޫގައި އަޅާ ޔުނިވަރސިޓީ ކެމްޕަހާއި ލޭންގުއޭޖް ސްކޫލް ތަރައްގީކުރުމަށް ބިން ކަނޑައެޅުމާއި ގުޅޭގޮތުން އެރަށުގެ ރައްޔިތުންގެ ހިޔާލު ހޯދުމަށް އެ ކައުންސިލުން ނިންމައިފިއެވެ.

ފޮނަދޫ ކައުންސިލުން ބުނީ މަތީ ތައުލީމާއި މަސައްކަތްތެރިކަމާއި ހުނަރުތައް ތަރައްގީކުރުމާއި ބެހޭ ވުޒާރާގެ ޕަބްލިކް ސެކްޓަރ އިންވެސްޓްމެންޓް ޕްރޮގްރާމްގެ ދަށުން ފޮނަދޫގައި ޔުނިވަރސިޓީ ކެމްޕަހަކާއި ލޭންގުއޭޖް ސްކޫލެއް ތަރައްގީކުރުމަށް ހަމަޖެހިފައިވާކަމަށެވެ. އެހެންކަމުން މި ދެ މަޝްރޫއަށް ބިން ކަނޑައެޅުމާއި ގުޅޭގޮތުން ރައްޔިތުންގެ ހިޔާލާއި މަޝްވަރާ ހޯދުމަށް އެ ކައުންސިލުން ވަނީ ނިންމާފައެވެ.

އެގޮތުން، ރައްޔިތުންގެ ހިޔާލާއި މަޝަވަރާ ހޯދުމަށް ބާއްވާ ރައްޔިތުންގެ ބައްދަލުވުން ބޭއްވުމަށް ހަމަޖެހިފައިވަނީ މިމަހުގެެެ 27 ވަނަ ދުވަހުގެ ރޭޭ 20:30 ގައި މެދުއަވަށު އިޖްތިމާއީ މަރުކަޒުގައެވެ.