100 ރުފިޔާގެ ނޫޓް މަދުވުމުން ޗާޕުކޮށްފި
100 ruffiya ge nootu madhuvumun chaapu kohfi
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން 100 ރުފިޔާގެ ސްޓޮކް މަދުވުމުން އައު ސްޓޮކެއް ޗާޕުކޮށްގެން ގެނެސްފިއެވެ.
އެމްއެމްއޭ އިން ބުނީ، ރަންދިހަ ފަހެއްގެ 100 ރުފިޔާގެ ނޫޓް މަދުވުމުން، މިމަހުގެ 2 ވަނަ ދުވަހު އައު ސްޓޮކެއް ގެނެސްފައިވާ ކަމަށެވެ.
ދެ ޕިކަޕުގައި ފައިސާ ޕަލެޓްތަކެއް އެމްއެމްއޭއަށް ގެންދާ މަންޒަރު ފެންނަ ވީޑިއޯއެއް ވަނީ ސޯޝަލްމީޑިއާގައި އާންމުވެފައެވެ.
މިދިޔައަަހަރުވެސް 100 ރުފިޔާގެ ނޫޓް މަދުވުމުން، އެމްއޭއިން ވަނީ ރުފިޔާ ޗާޕުކޮށްފައެވެ.
ރައީސް ޑރ މުހައްމަދު މުއިއްޒު ވެރިކަމާ ހަވާލުވެވަޑައިގަތުމުގެ ކުރިން، ކެމްޕެއިނުގެ ދުވަސްވަރުގައާއި، ވެރިކަމާ ހަވާލުވެވަޑައިގަތުމަށްފަހު ވެސް އެކި ފަހަރު މަތިން ފައިސާ ޗާޕު ނުކުރާނެ ކަމަށް ވަނީ ވިދާޅުވެފައެވެ.
