އީދަށް މުޅި ގަމާއި މާވަށް ވެސް ދިއްލާލައިފި

ފިޠުރު އީދާ ދިމާކޮށް ރަށްތައް ދިއްލާލުމުގެ ހަރަކާތުގެ ތެރެއިން ލާމު އަތޮޅު ގަމާއި މާވަށް ވެސް ދިއްލާލައިފިއެވެ.

މުޅި ގަން އީދު ލައިޓްތަކުން ޖަރީކޮށްފައިވާއިރު، މި މަސައްކަތް ކޮށްފައިވަނީ ގަމު ކައުންސިލާއި ފެނަކައާ ގުޅިގެންނެވެ. މިއަހަރުގެ ”ޢީދުއަލި“ ހަރަކާތައް ޢީދުލައިޓް ފޮނުވަން ހަމަޖެހިފައިވަނީ ކޮންމެ އަތޮޅެއްގެވެސް އެންމެ އާބާދީ ބޮޑު ދެރަށަށެވެ. އެގޮތުން، ލ. އަތޮޅުގެ ރަށްތަކުގެ ތެރެއިން އީދު އަލިން ދިއްލާލުމަށް ހަމަޖެހިފައިވަނީ ގަމާއި މާވަށެވެ.

ފިޠުރު އީދާ ދިމާކޮށް ރަށްތައް ދިއްލާލުމުގެ ހަރަކާތުގެ ތެރެއިން ލ. ފޮނަދޫގައިވެސް ވަނީ އީދުލައިޓްތައް ދިއްލާފައެވެ. މި ހަރަކާތައް ބޭނުންވާ ބޮކިތައް މިހާރު ރާއްޖޭގެ ހުރިހާ ރަށަކަށްވެސް ވެސް ވަނީ ފޮނުވާފައެވެ.