ޓެރަރިސްޓު ލިސްޓުން ސީރިޔާގެ ނަން އުނިކޮށްފި

ރާއްޖެއިން ޓެރަރިސްޓު ޖަމާއަތް ގޮތުގައި  މީގެކުރިން ކަނޑައަޅާފައިވާ، ސީރިއާގެ ވެރިކަންކުރާ ޖަމާއަތް ކަމަށްވާ ހަޔާތު ތަހްރީރް އަލް ޝާމް (އެޗްޓީއެސް) ޖަމާއަތުގެ ނަން އުނިކޮށްފިއެވެ.

ޓެރަރިސްޓް ޖަމާއަތްތަކުގެ ލިސްޓާއި ރާއްޖޭން ދަތުރުކުރުން މަނާ ސަރަހައްދުތައް ކޮންމެ އަހަރަކުވެސް މުރާޖަޢާ ކުރެއެވެ. ރައީސް އޮފީހުން ވަނީ ޓެރަރިސްޓް ޖަމާއަތްތަކުގެ ލިސްޓު ގެޒެޓުގައި އާންމުކޮށްފައެވެ.

އެގޮތުން މިފަހަރު އާންމުކުރި ލިސްޓުގައި، ސީރިއާގެ އެޗްޓީއެސް ޖަމާއަތެއް ނެތެވެ. 2019 އިން ފެށިގެން، އެޗްޓީއެސް ޖަމާއަތުގެ ނަން ޓެރަރިސްޓު ޖަމާއަތެއްގެ ގޮތުގައި ހިމެނެއެވެ.

ދަތުރުކުރުން މަނާ ސަރަހައްދުތަކުން ސީރިއާގެ ނަން އުނިކުރުމުން، ދިވެހިންނަށް ސީރިޔާއަށް ދަތުރުކުރެވޭނެއެވެ.

މިފަހަރު މުރާޖައާކުރި ޓެރަރިސްޓު  ޖަމާއަތްތަކުގެ ލިސްޓުގައި 19 ޖަމާއަތެއް ހިމެނެއެވެ.