ހިތަދޫ ކައުންސިލްގެ ރައީސް ކަމަށް ޝައްމޫން! މެޖޯރިޓީ އެމްޑީޕީއަށް!

ލާމު ހިތަދޫ ކައުންސިލްގެ ރައީސް ކަމުގެ ފަސް ވަނަ ދައުރަކަށް ޕީއެންސީ ކެނޑިޑޭޓްއިބްރާހިމް ޝައްމޫން ހޮވިއްޖެއެވެ.

ޝައްމޫން ހޮވިފައިވަނ ީ414 ވޯޓާއެކު، އެމްޑީޕީ ކެނޑިޑޭޓް މުހައްމަދު ޝިޔާޒް ކުޑަ ތަފާތަކުން ބަލިކޮށްފައެވެ. ޝިޔާޒް އަށް ލިބުނީ މުޅި ޖުމުލަ 408 ވޯޓެވެ. އަންހެނުންގެ ގޮނޑި ކާމިޔާބުކޮށްފައިވަނީ އެމްޑީޕީ ކެނޑިޑޭޓް ރަޝީދާ އަބްދުލް ރަހްމާންއެވެ. ކައުންސިލްގެ މެންބަރުގެ ގޮނޑި ކާމިޔާބުރީ އެމްޑީޕީ ކެނޑީޑޭޓް އަބްދުލް ވާހިދު އިދުރީސް އެވެ.

މީގެއިތުރުން އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ ރައީސާކަން ކާމިޔާބުކޮށްފައިވަނީ ވެސް އެމްޑީޕީ ކެނޑިޑޭޓެކެވެ. އާއިޝަތު އަލީ މި ގޮނޑި ކާމިޔާބުކުރީ 400 އަށް ވުރެ ގިނަ ވޯޓާއެކު، ޕީއެންސީ ކެނޑީޑޭޓު ފާތިމަތު ރީޝާ ބަލިކޮށެވެ.

އެ ކޮމެޓީގެ މެންބަރުންނަށް ހޮވިފައިވަނީ، އެމްޑީޕީ ކެނޑިޑޭޓް ފާތިމަތު ނައުމާ އަދި ފާތިމަތު ޝިޔާނާއެވެ.