ބަލި މީހުނަށް ފަރުވާ ދިނުމަށް ގަމު ރީޖަނަލް ހޮސްޕިޓަލު ޑޮކްޓަރުންގެ ޓީމެއް އިސްދޫއަށް!

ލ.ގަމު ރީޖަނަލް ހޮސްޕިޓަލުގެ ކުޑަކުދިންގެ ބަލިތަކުގެ ހާއްސަ ޑޮކްޓަރ ހިމެނޭހެން ބައެއް ޑޮކްޓަރުން ބަލިމީހުންނަށް ފަރުވާ ދިނުމަށް ލ. އިސްދޫ އަށް ޒިޔާރަތްކުރުމަށް ހަމަޖެހިއްޖެއެވެ.

އެގޮތުން، މި ޑޮކްޓަރުންގެ ޓީމުން މިއަދު ހެނދުނު 9:45 އިން މެންދުުރުފަހު 13:00 އަށް އިސްދޫ ސިއްހީ މަރުކަޒުގައި ފަރުވާ ދިނުމަށް ވަނީ ހަމަޖެހިފައެވެ. އިސްދޫއަށް ބަލި މީހުން ބެލުމަށް އިސްދޫގެ ސިއްހީ މަރުކަޒަށް ޒިޔާރާތްކުރާނީ، ގަމު ރީޖަނަލް ހޮސްޕިޓަލްގެ ކުޑަކުދިންގެ ބަލިތަކުގެ ހާއްސަ ޑޮކްޓަރ، ޑރ އަޒީޒާ، އަންހެނުންގެ ބަލިތަކުގެ ހާއްސަ ޑޮކްޓަރ، ޑރ ސަބީނާ އަދި ހަމުގެ ބަލިތަކުގެ ހާއްސަ ޑޮކްޓަރ ޑރ ހައިތަމްއެވެ.

އިސްދޫ ހެލްތު ސެންޓަރާއި ގަމު ރީޖަނަލް ހޮސްޕިޓަލާ ގުޅިގެން ބާއްވާ މި އައުޓްރީޗުގައި ޑޮކްޓަރަށް ދެއްކުމަށް އެޕޮއިންޓްމެންޓް ހެއްދުމަށް ގުޅާނީ 6809005 ނަމްބަރަށެވެ.