ހަމަދު ސްކޫލުގެ ބިޒްނަސް ފެއާ މާދަމާ ބާއްވަނީ

ލ. ގަމު ހަމަދު ބިން ޚަލީފާ އަލް ޘާނީ ސްކޫލްގެ ބިޒްނަސް ފެއަރ މާދަމާ ބޭއްވުމަށް ތައްޔާރުވެއްޖެއެވެ.

މި ފެއާ ކުރިއަށް ދާނީ މާދަމާ މެންދުރުފަހު 02:00 އިން ހަވީރު 06:00 އަށް ހަމަދު ސްކޫލްގައެވެ.ހަމަދު ސްކޫލުގެ ބިޒްނަސް ފެއާއިން އެންމެ ހާއްސަކޮށް ފެނިގެންދާނީ ދަރިވަރުން އަމިއްލަ ވިސްނުމާއި ހުނަރު ބޭނުންކޮށްގެން ތައްޔާރުކޮށްފައިވާ ތަފާތު އީޖާދީ އުފެއްދުންތަކާއި، ކްރިއޭޓިވް ޚިދުމަތްތައް ދައްކާލުމަށް ހުޅުވާލާފައިވާ ބަދަހި ސްޓޯލްތަކެވެ.

މި ފެއަރގައި ކުރިއަށް އޮތް އަޟްހާ އީދަށް ބޭނުންވާނޭ މުހިއްމު ސާމާނުތަކާއި، ތަފާތު ވައްތަރުގެ ކާބޯތަކެތި ވެސް ހެޔޮ އަގުގައި ވިއްކާނެ ކަމަށް އެ ސްކޫލްއިން ވަނީ މައުލޫމާތު ދީފައެވެ.