ފޮނަދޫގެ މަސްޖިދުލް ޢުލާގައި މިއަދު އިމާމުވެ ހުކުރު ކުރެއްވީ މަޖިލިސް ރައީސް އަބްދުއްރަހީމް
ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އެމަނިކުފާނުގެ އުފަން ރަށް ލ.ފޮނަދޫގައި އިމާމުވެ ހުކުރު ކުރައްވައިފިއެވެ.
ފޮނަދޫ މަސްޖިދުލް ޢުލާގައި އިމާމުވެ ނަމާދުކޮށް ، އެމަނިކުފާނު ޙުތުބާ ދެއްވިއިރު، އެ މިސްކިތުގެ އިމާމަކަކީ އެމަނިކުފާނުގެ ކޮއްކޮ އަބްދުލް ކަރީމް އަބްދު ﷲ އެވެ. އެމަނިކުފާނަކީ ރާއްޖޭގެ ހުރިހާ ރަށެއްގައިވެސް ހުކުރު ކުރުމުގެ ހުއްދަ އޮންނަ ބޭފުޅެކެވެ.
މީގެ ކުރިންވެސް، އެމަނިކުފާނު ފޮނަދޫގައި އިމާމުވެ، ހުކުރު ކުރައްވައެވެ. މިއީ، މަޖިލިސް ރައީސްގެ މަގާމު ލިބިވަޑައިގަތް ފަހުން އިމާމުވެ، ހުކުރު ކުރެއްވި ފުރަތަމަ ފަހަރެވެ.
