ރާއްޖޭގައި އަންހެން ފުޓުބޯޅަ މުބާރާތެއް ބޭއްވުމަށް ފީފާއިން އަންގައިފި

ރާއްޖޭގައި އަންހެން ފުޓްބޯޅަ މުބާރާތެއް ބޭއްވުމަށް ފީފާ އިން ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އަށް އަންގައިފިއެވެ.

އެފްއޭއެމްގެ ކޮންގްރެސްގައި އެއް އަހަރު ދުވަހުގެ ތެރޭގައި އަންހެނުންގެ މުބާރާތެއްގެ ރޭވުންތައް އެކުލަވާލައި، ކޮންގްރެސްއަށް ހުށަހަޅައި ފާސްކުރަންޖެހޭ ކަމަށް ވަނީ އަންގާފައެވެ. ފީފާއިން އަލަށް އެލުލަވާލާފައިވާ ގަވާއިދުގެ ދަށުން، އަންހެން ގައުމީ ޓީމުން އަހަރަކު މަދުވެގެން ތިން މެޗު ކުޅެން ޖެހޭނެއެވެ. އަދި މި މެޗުތައް ނުކުޅެފިނަމަ، ބަޖެޓުން ބައެއް ހިފެހެއްޓުމުގެ ބާރު ފީފާއަށް ލިބެއެވެ.

ފީފާ އިން ވަނީ މިއަހަރު ރާއްޖޭގައި އަންހެން ފުޓްބޯޅަ މުބާރާތެއް ނުބާއްވައިފިނަމަ ބަޖެޓު ހިފަހައްޓާނެކަމުގެ އިންޒާރުވެސް ދީފައެވެ. އެފްއޭއެމް އިން އެންމެ ފަހުން އަންހެން ފުޓްބޯޅަ މުބާރާތެއް ބޭއްވީ 2015 ވަނަ އަހަރުގައެވެ.