ހައްޖުވެރިންގެ ރައްކާތެރިކަން ކަށަވަރުކުރުމަށް އައު ޓެގެއް ބޭނުންކުރަނީ

ހައްޖުވެރިންގެ ރައްކާތެރިކަން ކަށަވަރުކުރަން އައު ޓެގެއް ބޭނުންކުރުމަށް ހައްޖު ކޯޕަރޭޝަން އިން ނިންމައިފިއެވެ.

ހައްޖު ކޯޕަރޭޝަން އިން ވަނީ މީގެ ކުރިންވެސް ހައްޖުގެ އަޅުކަންް އަދާކުރުމަށް ދާ ހައްޖާޖީންގެ ރައްކާތެރިކަން ކަށަވަރުކުރުމަށް ޓްރެކިން ޑިވައިސްއެއް ބޭނުންކޮށްފައެވެ. ކުރިން، މި ޑިވައިސް ދެނީ އެންމެ ބޮޑަށް އެ ޑިވައިސްގެ ބޭނުން ޖެހިފައިވާ މީހުނަށް ނަމަވެސް މިދިޔަ އަހަރުން ފެށިގެން ކޮންމެ ހައްޖާޖީއަކަށްވެސް ލައިވް ލޮކޭޝަން ބެލޭ ޑިވައިސް އެއް ވަނީ ދީފައެވެ.

ހައްޖު ކޯޕަރޭޝަނުން ބުނީ މިއަންނަ އަހަރުގެ ހައްޖުގެ އަޅުކަމަށް ވާންޖޭހޭ ތައްްޔާރީތައް ވަމުން އަންނަ ކަމަށެވެ. މިދިޔަ އަހަރުވެސް ގިނަ ހައްޖާޖީންތަކެއް ގެއްލިގެން، ހައްޖު ކޯޕަރޭޝަނުން އެމީހުން ހޯދީ ޓްރެކިން ޑިވައިސްގެ އެހީގައެވެ.