އަލަށް އިންތިޚާބުވި ގަމު ކައުންސިލާއެކު އެމް.އެން.ޔޫ އިން މަޝްވަރާ ބައްދަލުވުމެއް ބާއްވައިފި

ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ) ގެ ލ. ގަން ކެމްޕަހުގެ މެނޭޖްމަންޓުން، އަލަށް އިންތިޚާބުވި ލ. ގަމު ކައުންސިލްގެ މެންބަރުންނާ ބައްދަލުކޮށް، މުހިންމު މަޝްވަރާތަކެއް ކޮށްފިއެވެ.

ލ. ގަން ކެމްޕަހުގައި ބޭއްވުނު މި ބައްދަލުވުމަކީ، ކައުންސިލްގެ އައު ދައުރަށް އިންތިޚާބުވި މެންބަރުންނަށް މަރުޙަބާ ދެންނެވުމަށާއި، ރަށުގެ ތަރައްޤީއަށް ދެފަރާތް ގުޅިގެން މަސައްކަތް ކުރެވިދާނެ ދާއިރާތައް ދެނެގަތުމަށް ބޭއްވުނު ބައްދަލުވުމެކެވެ.

މި ބައްދަލުވުމުގައި އަލަށް އިންތިހާބުވި ގަމު ކައުންސިލްގެ ރައީސުންނާއި މެންބަރުން އަދި، އެމްއެންޔޫ ގަމު ކެމްޕަސްގެ މެނޭޖަރާއި އިސްވެރިން ބައިވެރިވެވަޑައިގެންނެވިއެވެ.