ވިޔަފާރި ރަޖިސްޓަރީ ކުރުމާ ބެހޭ މަޢުލޫމާތު ދިނުމުގެ ސެޝަނެއް ގަމުގައި ބާއްވަނީ

ލ. ގަމު އަންހެނުންގެ ތަރައްޤީއަށް މަސައްކަތްކުރާ ކޮމިޓީ (ޑަބްލިއުޑީސީ) އާއި ބިޒްނަސް ސެންޓަރ ކޯޕަރޭޝަން (ބީސީސީ) ގުޅިގެން، ވިޔަފާރި ރަޖިސްޓަރީ ކުރުމާ ގުޅޭގޮތުން މަޢުލޫމާތު ދިނުމުގެ ޚާއްޞަ ސެޝަނެއް ބޭއްވުމަށް ނިންމައިފިއެވެ.

މި ސެޝަން ބޭއްވުމަށް ހަމަޖެހިފައިވަނީ މި މަހުގެ 19 ވާ ހުކުރު ދުވަހުގެ ރޭ 20:30 ގައެވެ. މި ބައްދަލުވުން ކުރިއަށްދާނީ ލ. ގަމު ކޮމިޔުނިޓީ ސެންޓަރުގައެވެ.

މި ސެޝަންގެ މައިގަނޑު މަޤްޞަދަކީ އަލަށް ވިޔަފާރި ފަށަން ބޭނުންވާ ފަރާތްތަކަށާއި، މިހާރުވެސް ވިޔަފާރި ކުރަމުންދާ ފަރާތްތަކަށް ވިޔަފާރި ރަޖިސްޓަރީ ކުރުމުގެ މަރުޙަލާތަކާއި އެކަމާ ގުޅޭ މުހިންމު މަޢުލޫމާތުތައް ފޯރުކޮށްދިނުމެވެ. މި ސެޝަންގައި ބައިވެރިވާން ބޭނުންވާ ފަރާތްތަކަށް މިހާރު ވަނީ ރަޖިސްޓަރީ ކުރުމުގެ ފުރުޞަތު ހުޅުވާލައިފައެވެ.

މިއީ ރަށުގެ އިޤްތިޞާދީ ކުރިއެރުމަށާއި، އަމިއްލަ މަސައްކަތްކުރާ ފަރާތްތަކަށް ބޭނުންވާ ޤާނޫނީ އަދި އިދާރީ ލަފާ ފޯރުކޮށްދިނުމަށް ގަމު އަންހެނުންގެ ތަރައްޤީއަށް މަސައްކަތްކުރާ ކޮމިޓީން އިސްނަގައިގެން ކުރިއަށްގެންދާ މުހިންމު ހަރަކާތެކެވެ.