އާޖެންޓީނާ ނޭވާހޮޅިއަށް ނޭޅި ސަލާމަތްވީ ކިރިޔާ

ވޯލްޑް ކަޕްގެ ގަދަ 32 ގެ ފޯރިގަދަ މެޗުގައި އިތުރު ވަގުތު ކުޅެގެން 3-2 ގެ ނަތީޖާއަކުން ކޭޕް ވާޑް ބަލިކޮށް އާޖެންޓީނާއިން މުބާރާތުގެ ގަދަ 16 ބުރަށް ދަތުރުކޮށްފި އެވެ.

އެމެރިކާގެ މިޔާމީ ސްޓޭޑިއަމްގައި ކުޅުނު މެޗުގައި ދުނިޔޭގެ ޗެމްޕިއަނުންނާ ދެކޮޅަށް ކުޑަކުޑަ ކޭޕް ވާޑުން ދެއްކި ހިތްވަރުގަދަ ކުޅުމެކެވެ. ގުރޫޕް ސްޓޭޖްގައި އެ ގައުމުން ވަނީ ދުނިޔޭގެ ކުރީގެ ޗެމްޕިއަނުން ކަމަށްވާ، ސްޕެއިން އާއި އުރުގުއޭ ވެސް ހަިަފަހައްޓައިފަ އެވެ. މިހާރުގެ ޗެމްޕިއަނަށް ވެސް ބޮޑު ސިހުމަކުން ސަލާމަތްވުނީ ކިރިޔާ އެވެ.

މެޗުގެ ފުރަތަމަ ހާފުގައި އާޖެންޓީނާއިން ވަނީ ލީޑު ނަގާފަ އެވެ.  މެޗުގެ 29 ވަނަ މިނެޓުގައި ލިސަންޑްރޯ މާޓިނޭޒް ތަނަވަސްކޮށްދިން ފުރުސަތަކުން ކެޕްޓަން ލިއޮނަލް މެސީ ވަނީ ހިތްގައިމު ގޯލެއް ޖަހައި އެ ޓީމަށް ލީޑް ނަގއި ދީފަ އެވެ. މިއީ ވޯލްޑް ކަޕް ތާރީހުގައި މެސީ ޖެހި 20 ވަނަ ގޯލެވެ.