ގައުމީ ގަދަ ދިހައެއްގެ އެއްވަނަ ހަމަދު ސްކޫލްގެ ރިމްނާއަށް!

ގައުމީ ގަދަ ދިހައެއްގެ އެއްވަނަ އަށް ލ.ގަމު ހަމަދު ބިން ޚަލީފާ އާލް ޘާނީ ސްކޫލްގެ ރިމްނާ ނަދީމް ހޯދައިފިއެވެ.

ރިމްނާ އަކީ ހަމަދު ސްކޫލްގެ ގައުމީ ގަދަ ދިހައެއްގެ އެއްވަނައިގައި ހިމެނުނު ހަމައެކަނި ދަރިވަރެވެ. ރިމްނާ ވަނީ ފާހަގަކޮށްލެވޭ ވަރުގެ، ފަހުރުވެރި ނަތީޖާއެއް ނެރެފައެވެ. އެސްއެސްސީގައި ހަމަދު ސްކޫލުން ދިވެހިން އޭ ސްޓަރ ލިބުނު ހަމައެކަނި ދަރިވަރަކީވެސް ރިމްނާއެވެ.

ރިމްނާ ވަނީ ޓީޗަރުންނާއި އޭނާގެ ބެލެނިވެރިން ދިން ހިތްވަރާއެކު، މުޅި ސްކޫލުވެސް ފަހުރުވެރިވާ ވަރުގެ ނަތީޖާއެއް ނެރެފައެވެ. ރިމްނާ ބުނީ ޓީޗަަރުން ކޮށްދިން މަސައްކަތާ ނުލައި މި ނަތީޖާ ނުނެރެވޭނެ ކަމަށެވެ. ރިމްނާގެ އަމާޒަކީ އޭލެވެލް އިން ވެސް އޯލެވެލް އިން ހޯދި ފަދަ ރަނގަޅު ނަތީކާއެއް ހޯދައިގެން، އެކައުންޓިންގް ދާއިރާއިން ކުރިއަށް ދިއުމެވެ.