ލ.އަތޮޅު ތަޢުލީމީ މަރުކަޒުގައި ފުޓްސަލް ދަނޑެއް ތަރައްޤީ ކޮށްދޭނެ ފަރާތެއް ހޯދަނީ

ލ.އަތޮޅު ތަޢުލީމީ މަރުކަޒުގައި ފުޓްސަލް ދަނޑެއް ތަރައްޤީ ކުރުމުގެ މަސައްކަތް އަމިއްލަ ތަކެތީގައި ކޮށްދޭނެ ފަރާތެއް ހޯދުމަށް ހައްދުންމަތީ ފޮނަދޫ ކައުންސިލުން އިޢުލާނުކޮށްފިއެވެ.

މި މަސައްކަތަށް ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު މިހާރު ވަނީ ހުޅުވާލާފައެވެ.

ބީލަމުގައި ރަޖިސްޓްރީވުން

މި މަސައްކަތަށް ބީލަން ހުށަހެޅޭނީ ކައުންސިލްގައި ރަޖިސްޓްރީވެ، ބިޑު ޑޮކިއުމެންޓް ގަތުމަށް ފައިސާ ދައްކާ ފަރާތްތަކަށެވެ. ބިޑު ޑޮކިއުމެންޓުގެ އަގަކީ 150 ރުފިޔާ އެވެ. ރަޖިސްޓްރީ ވުމުގެ ސުންގަޑިއަކީ 07 ޖުލައި 2026 (އަންގާރަ) ދުވަހުގެ 13:00 އެވެ. ރަޖިސްޓްރީ ވުމަށްޓަކައި ކައުންސިލުން ކަނޑައަޅާފައިވާ ގޫގްލް ފޯމު ފުރިހަމަކުރަން ޖެހޭނެއެވެ.

މަޢުލޫމާތު ސާފުކުރުން

މި ބީލަމާ ގުޅޭގޮތުން މަޢުލޫމާތު ދިނުމުގެ ބައްދަލުވުމެއް ބޭއްވުމަށް ހަމަޖެހިފައި ނުވި ނަމަވެސް، މަޢުލޫމާތު ކަރުދާސް ސަރުކާރުގެ ގެޒެޓާއި ފޮނަދޫ ކައުންސިލްގެ ވެބްސައިޓުން ލިބެން ހުންނާނެ ކަމަށް ކައުންސިލުން ބުނެއެވެ. އިތުރު މަޢުލޫމާތު ސާފުކުރަން ބޭނުންވާ ފަރާތްތަކުން [email protected] އަށް އީމެއިލް ކުރުމަށް ވަނީ އެދިފައެވެ.

ބީލަން ހުށަހެޅުމާއި ހުޅުވުން

ބީލަން ނުވަތަ އަންދާސީހިސާބު ހުށަހެޅުމުގެ ސުންގަޑިއަކީ 16 ޖުލައި 2026 (ބުރާސްފަތި) ދުވަހުގެ 13:30 އެވެ. ބީލަންތައް ހުންނަންވާނީ ބަންދުކުރެވިފައިވާ ސިޓީ އުރައެއްގައެވެ. އަދި ސިޓީ އުރައިގެ ބޭރުގައި ހުށަހަޅާ ފަރާތުގެ ނަމާއި އެޑްރެސް ސާފުކޮށް ލިޔެފައި އޮންނަންވާނެއެވެ.

ބީލަން ހުޅުވުމުގެ ބައްދަލުވުން އޮންނާނީ 16 ޖުލައި 2026 ވާ ބުރާސްފަތި ދުވަހުގެ 13:30 ގައި ފޮނަދޫ ކައުންސިލްގެ މީޓިންގ ރޫމުގައެވެ. ބީލަން ހުޅުވާނީ ބީލަން ހުށަހަޅާ ފަރާތްތަކުގެ ކުރިމަތީގައެވެ. ކަނޑައެޅިފައިވާ ސުންގަޑީގެ ފަހުން ހުށަހަޅާ ބީލަންތައް ބަލައިނުގަނެވޭނެ ކަމަށްވެސް ފޮނަދޫ ކައުންސިލްގެ އިދާރާއިން މަޢުލޫމާތު ދެއެވެ.