ލ. ގަމު މުކުރިމަގު ފުޓްސަލް ދަނޑު ވަށާ ފެންސްޖެހުމުގެ މަސައްކަތް ކުރާނެ ފަރާތެއް ހޯދަނީ

ލ. ގަމު މުކުރިމަގު ފުޓްސަލް ދަނޑު ވަށާ ފެންސްޖެހުމުގެ މަސައްކަތް ކޮށްދޭނެ ފަރާތެއް ހޯދުމަށް ގަމު ކައުންސިލުން އިއުލާންކޮށްފިއެވެ. މި މަސައްކަތަކީ އެ ރަށުގެ ކުޅިވަރު ވަސީލަތްތައް ތަރައްގީކޮށް ބެލެހެއްޓުމަށް ކުރިއަށްގެންދާ މަޝްރޫއެކެވެ.

ބީލަމުގައި ރަޖިސްޓްރީވުމާއި ބިޑް ޑޮކިއުމަންޓް

މި މަސައްކަތަށް ޝައުގުވެރިވާ ފަރާތްތަކުން 15 ޖުލައި 2026 ވަނަ ދުވަހުގެ 12:00 ގެ ކުރިން ބިޑް ޑޮކިއުމަންޓް ގަނެ، ބީލަމުގައި ރަޖިސްޓްރީވާން ޖެހެއެވެ. ބިޑް ޑޮކިއުމަންޓެއްގެ އަގަކީ 200 (ދުއިސައްތަ) ރުފިޔާއެވެ.

ބިޑް ޑޮކިއުމަންޓަށް ފައިސާ ދެއްކުމަށް ހަމަޖެހިފައިވަނީ 7707700315001 ނަންބަރު އެކައުންޓަށެވެ. ފައިސާ ޓްރާންސްފާ ކުރުމަށްފަހު، ސްލިޕް 7611515 ނަންބަރަށް ވައިބަރ ކުރުމުން ބިޑް ޑޮކިއުމަންޓް ހިއްސާކުރެވޭނެ ކަމަށް ކައުންސިލުން މައުލޫމާތުދެއެވެ.

ބީލަން ހުށަހެޅުމާއި މައުލޫމާތު ސާފުކުރުން

ބީލަން ހުށަހެޅުން އޮންނާނީ 22 ޖުލައި 2026 ވާ ބުދަ ދުވަހުގެ 13:00 ގައި ލ. ގަމު ކައުންސިލް އިދާރާގެ ސެމިނަރ ރޫމްގައެވެ. ގަޑިޖެހިގެން ވަޑައިގަންނަވާ ފަރާތްތަކަށް ބީލަމުގައި ބައިވެރިނުވެވޭނެ ކަމަށް ކައުންސިލުން ހަނދާންކޮށްދެއެވެ.

މި ބީލަމާ ގުޅޭގޮތުން އިތުރު މައުލޫމާތު ސާފުކުރަން ބޭނުންވާ ފަރާތްތަކުން 22 ޖުލައި 2026 ގެ 12:00 އާ ހަމައަށް ގަމު ކައުންސިލަށް ހާޒިރުވެ ނުވަތަ 7611515 ނަންބަރު ފޯނާ ގުޅައިގެން މައުލޫމާތު ހޯދޭނެއެވެ.