ފޮނަދޫ އިސްރަށްވެހިންގެ ހިޔާއަށް ބޭނުންވާ ތަކެތި ފޯރުކޮށްދީ އިންސްޓޯލް ކޮށްދޭނެ ފަރާތެއް ހޯދަން އިޢުލާނުކޮށްފި

ލ. ފޮނަދޫ އިސްރަށްވެހިންގެ ހިޔާއަށް ބޭނުންވާ ތަކެތި ފޯރުކޮށްދީ، އެ ތަކެތި އިންސްޓޯލް ކޮށްދޭނެ ފަރާތެއް ހޯދުމަށް ފޮނަދޫ ކައުންސިލްގެ އިދާރާއިން އިޢުލާނުކޮށްފިއެވެ. ކައުންސިލުން ބުނީ މި މަސައްކަތަށް ޝައުގުވެރިވާ ފަރާތްތަކުން ބީލަމުގައި ރަޖިސްޓްރީވުމަށްފަހު އަންދާސީ ހިސާބު ހުށަހެޅުމުގެ ފުރުސަތު މިހާރު ހުޅުވާލާފައިވާ ކަމަށެވެ.

ބީލަމުގައި ރަޖިސްޓްރީވުން

މި މަސައްކަތަށް ބީލަން ހުށަހެޅޭނީ ކައުންސިލްގައި ރަޖިސްޓްރީވެ، ބިޑު ޑޮކިއުމެންޓް ގަތުމަށް 150 ރުފިޔާގެ ފީއެއް ދައްކާ ފަރާތްތަކަށެވެ. ބީލަމުގައި ރަޖިސްޓްރީވުމުގެ ސުންގަޑިއަކީ 05 އޯގަސްޓް 2026 ވާ ބުދަ ދުވަހުގެ 13:00 އެވެ. ރަޖިސްޓްރީވުމަށް ކައުންސިލުން ކަނޑައަޅާފައިވާ ގޫގްލް ފޯމް ފުރިހަމަކުރުމުން ބީލަމުގައި ރަޖިސްޓްރީވިކަމުގެ ސްލިޕް ދޫކުރެވޭނެ ކަމަށް ކައުންސިލުން މަޢުލޫމާތުދެއެވެ.

މަޢުލޫމާތު ސާފުކުރުން

މި ބީލަމާ ގުޅޭގޮތުން ވަކި މަޢުލޫމާތު ދިނުމުގެ ބައްދަލުވުމެއް ބޭއްވުމަށް ހަމަޖެހިފައެއް ނުވެއެވެ. ނަމަވެސް ބީލަމާ ބެހޭ މަޢުލޫމާތު ކަރުދާސް ސަރުކާރުގެ ގެޒެޓާއި ފޮނަދޫ ކައުންސިލްގެ ވެބްސައިޓުން ލިބެން ހުންނާނެއެވެ. އިތުރު މަޢުލޫމާތު ސާފުކުރަން ބޭނުންވާ ފަރާތްތަކުން [email protected] އަށް އީމެއިލް ކުރުމަށް ކައުންސިލުން ވަނީ އެދިފައެވެ.

ބީލަން ހުށަހެޅުމާއި ހުޅުވުން

އަންދާސީ ހިސާބު ހުށަހެޅުމުގެ އެންމެ ފަހު ވަގުތަކީ 13 އޯގަސްޓް 2026 ވާ ބުރާސްފަތި ދުވަހުގެ 13:30 އެވެ. ބީލަންތައް ހުށަހަޅަންވާނީ ބަންދުކުރެވިފައިވާ ސިޓީ އުރައެއްގައެވެ. ސިޓީ އުރައިގެ ބޭރުގައި ހުށަހަޅާ ފަރާތުގެ ނަމާއި އެޑްރެސް ސާފުކޮށް އެނގެން އޮންނަންވާނެއެވެ.

ބީލަންތައް ހުޅުވުމަށް ހަމަޖެހިފައިވަނީ ބީލަން ހުށަހަޅާ ސުންގަޑި ހަމަވުމާއެކު، އެ ވަގުތު ހާޒިރުވާ ބީލަންވެރިންގެ ކުރިމަތީގައެވެ. ކައުންސިލުން ބުނީ ސުންގަޑި ހަމަވުމަށްފަހު ލިބޭ ބީލަންތައް ބަލައިނުގަނެވޭނެ ކަމަށެވެ.