ގަމު ކައުންސިލާއި އެމްއައިބީ ބައްދަލުކޮށް މަޝްވަރާކޮށްފި

ގަމު ކައުންސިލާއި މޯލްޑިވްސް އިސްލާމިކް ބޭންކް (އެމްއައިބީ) އާ ދެމެދު މުހިންމު މަޝްވަރާ ބައްދަލުވުމެއް ބާއްވައިފިއެވެ.

ލ. ގަމު ކައުންސިލް އިދާރާގައި ބޭއްވުނު މި ބައްދަލުވުމަކީ ދެ މުއައްސަސާގެ ދެމެދުގައި އޮންނަ ގުޅުން ބަދަހިކޮށް، ރަށުގެ ތަރައްޤީއަށް ކުރެވިދާނެ ކަންކަމާ ގުޅޭގޮތުން މަޝްވަރާ ކުރުމަށް ބޭއްވުނު ބައްދަލުވުމެކެވެ.

މި ބައްދަލުވުމުގައި މައިގަނޑު ގޮތެއްގައި މަޝްވަރާ ކުރެވުނީ އެމް.އައި.ބީ އިން މިހާރު ފޯރުކޮށްދެމުންދާ ޚިދުމަތްތަކާ ބެހޭގޮތުންނާއި، އެ ޚިދުމަތްތައް އިތުރަށް ހަރުދަނާކުރެވޭނެ ގޮތްތަކާ ގުޅޭގޮތުންނެވެ. މީގެ އިތުރުން، ގަމު ކައުންސިލްގެ މި ދައުރުގެ ތަޞައްވަރާ އެއްގޮތަށް ރަށުގެ އިޤްތިޞާދީ އަދި އިޖުތިމާޢީ ކުރިއެރުމަށް ބޭންކުގެ އެހީތެރިކަން ހޯދިދާނެ ދާއިރާތަކާ ގުޅޭގޮތުންވެސް ފުޅާ ދާއިރާއެއްގައި ޚިޔާލު ބަދަލުކުރެވުނެވެ.