ހިތަދޫގައި ޤައުމީ ދުވަހުގެ މުނާސަބަތުގައި ދިދަ ނެގުމުގެ ރަސްމިއްޔާތު ބާއްވަނީ

މިއަހަރުގެ ޤައުމީ ދުވަހުގެ މުނާސަބަތުގައި ބާއްވާ ޚާއްޞަ ދިދަ ނެގުމުގެ ރަސްމިއްޔާތު ހައްދުންމަތީ ހިތަދޫގައި ބޭއްވުމަށް އެ ރަށު ކައުންސިލުން ނިންމައިފިއެވެ.

ހައްދުންމަތީ ހިތަދޫ ކައުންސިލްގެ އިދާރާއިން ކޮށްފައިވާ އިޢުލާނެއްގައިވާ ގޮތުން، ޤައުމީ ދުވަހުގެ ދިދަ ނެގުމުގެ ރަސްމިއްޔާތު ބޭއްވުމަށް ހަމަޖެހިފައިވަނީ 1 ރަބީޢުލްއައްވަލް 1448 (14 އޮގަސްޓް 2026) ވާ ހުކުރު ދުވަހުގެ ހެނދުނު 06:00 ގައި އެ އިދާރާގައެވެ.

މި ރަސްމިއްޔާތަކީ ކީރިތި ޤުރުއާނުގެ ބަރަކާތުން ފެށުމަށް ހަމަޖެހިފައިވާ ރަސްމިއްޔާތަކަށް ވާތީ، ރަސްމިއްޔާތުގައި ބައިވެރިވުމަށް އެ ދުވަހުގެ ފަތިހު 05:30 އަށް ހިތަދޫގެ އެންމެހާ ލޮބުވެތި ރައްޔިތުން ކައުންސިލް އިދާރާއަށް ހާޒިރުވެދެއްވުމަށް ކައުންސިލުން ވަނީ އިލްތިމާސްކޮށްފައެވެ.

ހިތަދޫ ކައުންސިލުން ވަނީ ރަށުގެ ވީހާވެސް ގިނަ ރައްޔިތުން މި ޤައުމީ ރަސްމިއްޔާތުގައި ބައިވެރިވެ، ޤައުމީ ލޯބި އާލާކުރުމަށް އެދިފައެވެ.